"वाट भुलागिती वाट भुलागिती वाट भुलागिती गोर स्वाभिमानेर वात वोलागिती धगधगती मशाल लेन आये एक वेंडो नायक, वजाळो कर नाको गोरून गोर शिकवाडी देन. लख्ख दिकाये लाग वाट, भुलागिती जेन गोर-वहिवाट हजारो लोक आये पांळीरी बकिटे लेन, सांभळन वाते मारे नायकेर बारक्या बारक्या टेंभी लेन वो भी लागे शिकवाडी देयेन ज्योत लेन विचारेर नायक निकळ पडो तांडो तांड सारी दनिया कर नाको प्रकाशमान विचारेती वोरे वोरे सरिक दस दस हिरा घडायो पंळन हिरारे टाकसाळेम काही हिरा कमकुवत निकळे फेकतांळी बाजूम वोंदून कोहिनूरेन सोबत लेन निकळ‌ पडो नायीकीरे नसाबेन आंग आंग वाट दकाळन गोरूर हिरान एक दन नायक अदृश्य वेगो शरीरेती पंळन अमर वेगो विचारेती. ©Ajay Chavan "