शीर्षक : रंग माझा वेगळा
रंगाची या उधळण करते
भाव मनाचा या आगळा
सर्वांमध्ये मिसळून जाई
असा रंग माझा वेगळा
क्षणांत होती डोळे ओले
कधी उमलतो रंग हसरा
सर्वांमध्ये होऊनी दंग
हासत - खेळत दुःख विसरा
रागाचा ही रंग दिसतो
झटकन तो ही शांत होतो
मग मनाच्याच या अंतरंगाचा
चेहऱ्यावरही ठसा उमटतो
कधी प्रेमाच्या रंगाने
मन क्षणातच मोहरते
खुलते कळी या ओठांवरची
अंग - अंग हे शहारते
इंद्रधनूच्या या सप्तरंगापरी
जीवनात या रंग असे
मना मनातील सुप्त भावनांची
उधळण विविधरूपी रंगातून दिसे
ज्योती किरतकुडवे (साबळे)
दिवा - ठाणे
©Jk
#Rang