"Year end 2023 Beete saal me bohot kuch aisa hua Jo shayad Maine kabhi socha bhi nhi tha ki hoga Kuch yaar dost apne aisa chhoote ki phir na mile Aur kuch dost aise bane ki jaise mano humesha se wo yahin the Is saal ghar badla aur naukari bhi nayi nayi thi Ek dost purana tha aur naye ki Kami nahin thi Niji zindagi me bhi kuch khaas badalaav nahin hua Koi aaya koi gya par zindagi ki ghadi ka kaanta nhi ruka Beete saal kaafi kuch seekha hai maine Aur auro ka nhi pta magar khud ka Dil to do chaar baar jeeta hai maine Khud ko khush rakhna sabse bada karam hai Ye baat humne maani aur aap bhi Maan lijiye Auro ke liye karne se nhi rok rha kariye khule dil se kariye bas khud ko sarvapratham rakh lijiye Rota insaan muskura nahin sakta Aur rote ko dekh koi muskura nahin sakta Beete saal ek baar aur accept ki ki bhaai ghoomna bht zaroori hai Akele ya unke sath.. dost ya parivar.. colleagues ya strangers ke sath hi sahi Ghoomna zaroori hai To chutti lijiye bahar nikaliye duniya dekhiye bht khoobsurat hai Waha apka sukoon interzaar karta hai ki aap aaye usse mile. To beete saal 2023 me jo seekha wo 2024 me laagu karenge Aur resolution ye hai ki padhna start karenge khud ki khushi sabse upar rakhenge aur jitna ho sakega usse thoda zyada ghoomenge. Happy New Year 🎊 Nav Varsh Ki Hardik Shubhkamnaye! ❤️ ©Prakharlikhtehain "