""एक ती अशीही ती सहन करत राहते ती सगळ्यांचे ऐकूनही घेते तोंडातून शब्दही न काढता ती तशीच शांत बसते ।। चार भिंतींच्या आत ती रडते ती तळमळते तिच्या नशिबाला कोसते पण जगापुढे मात्र बघा ती खोटं खोटं हसते ।। स्वत:चे त्रास बाजूला ठेऊन ती सगळ्यांना आधार देते तरीही न जाणे का हे नशीब नेहमी तिचीच परीक्षा घेते ॥ हसण्यामागचे दुःख ही अगदी सहजपणे लपवते अन रात्रीच्या अंधारात ती आवाज न करता रडते ।। आजचा दिवस चांगला येईल याच आशेने ती उठते खचून न जाता पुन्हा ती दिवसाची सुरुवात करते ॥ मनातील दुःखाच्या वादळात ती तग धरून उभी राहते जातील हे ही दिवस असच मनाला ती समजावते ॥ तिच्या अनेक रूपातील "एक ती अशीही" ©priya"