Kal ek muskaan dekhi maine
Aisi muskaan jo murjhaye phool khila de
Aisi muskaan jo registaan me baarish kara de
Aisi muskaan jo fizaaon ko mehka de
Aisi muskaan jo beeta sab kuch bhula de
Aisi muskaan jo sach jhooth se pare ho
Aisi muskaam jo apne aap me sab kuch bhare ho
Aisi muskaan jiska ek pal kisi se koi waasta na lage
Aisi muskaan jo agle hi pal sabko saath leke chale
Aisi muskaan jise dekh kar din raat chalte ho
Aisi muskaan jise dekh mausam badalte ho
Aisi muskaan jiski khuda bhi ibadat kare
Aisi muskaan jispe kaynaat jiye aur mare
Aisi muskaan jise dekh kar duniya hasti hai
Aisi muskaan jisme meri duniya basti hai...
©Neeraj Singh Raikwar