ਗ਼ਜ਼ਲ
ਮੁੜ ਕਿਤੇ ਬਚਪਨ ਮਿਲਾ ਦੇ , ਐ ਖੁਦਾ।
ਰਾਖ਼ ਤੋਂ ਫਿਰ ਮਾਂ ਬਣਾਦੇ, ਐ ਖੁਦਾ।
ਬੇਮੁਹਾਰੀ ਤੇ ਡਰਾਉਣੀ ਭੀੜ ਵਿੱਚ,
ਹੱਥ ਪਿਉ ਦਾ ਫਿਰ ਫੜਾ ਦੇ, ਐ ਖੁਦਾ।
ਦਿਲ ਮੇਰੇ ਵਿਚ ਜੋ ਚਿਰਾਂ ਤੋਂ ਸੜ ਰਹੇ,
ਢੇਰ ਯਾਦਾਂ ਦੇ ਹਟਾ ਦੇ, ਐ ਖੁਦਾ।
ਨੇਰ੍ਹ ਭਰੀਆਂ ਝੁੱਗੀਆਂ ਨੂੰ ਵੀ ਕਦੀ,
ਮੁੱਖ ਸੂਰਜ ਦਾ ਵਿਖਾ ਦੇ, ਐ ਖੁਦਾ।
ਔੜ ਮਾਰੀ ਜ਼ਿੰਦਗੀ ਦੀ ਧਰਤ ਤੇ
ਰਹਿਮਤਾਂ ਦਾ ਮੀਂਹ ਵਰਾ ਦੇ, ਐ ਖੁਦਾ।
ਰੋ ਲਵਾਂ ਇਕ ਵਾਰ ਲੱਗ ਕੇ ਮੈਂ ਗਲੇ,
ਯਾਰ ਵਿਛੱੜੇ ਸਭ ਮਿਲਾ ਦੇ, ਐ ਖੁਦਾ।
(ਬਿਸ਼ੰਬਰ ਅਵਾਂਖੀਆ,9781825255,
©Bishamber Awankhia
#motherlove #sad_feeling #punjabi_shayri #pleaselikeandshare