"۔۔۔ سنو تم لوٹ آؤ نا ۔۔۔ تم بن دل نہیں لگتا۔۔۔ ۔۔۔ کبھی تو رات نہیں ڈھلتی ۔۔۔ اور اکثر دن نہیں چڑھتا۔۔۔! ۔۔۔ بارونق شہر میں مجھ کو ۔۔۔ کچھ بھی اچھا نہیں لگتا۔۔۔ ۔۔۔ میری اب آنکھیں دکھتی ہیں ۔۔۔ میں سکوں سے سو نہیں سکتا ۔۔۔! ۔۔۔ سنو تم جب سے دور ہوئے ہو نا ۔۔۔ مجھے نفرت سی ہو گئ ہے۔۔۔ ۔۔۔ خود اپنی ہی باتوں سے، ۔۔۔ خود اپنے ہی خوابوں سے، ۔۔۔ اپنی پُر نَم آنکھوں سے، ۔۔۔ اُکھڑی اُکھڑی سانسوں سے۔۔۔! ۔۔۔ سنو مرا تو بس نہیں چلتا ۔۔۔ میں باتیں چھوڑ دوں کرنی۔۔۔ ۔۔۔ میں خوابوں کو زھر دے دوں ۔۔۔ میں آنکھیں نوچ لوں اپنی ۔۔۔ میں سانسیں روک دوں اپنی۔۔۔! ۔۔۔ مگر کچھ کر نہیں سکتا ۔۔۔ ۔۔۔ میں اتنا بے بس ہوں ۔۔۔ میں خود سے مر نہیں سکتا۔۔۔! ۔۔۔ سنو تم لوٹ آؤ نا ۔۔۔ تم بن دل نہیں لگتا۔۔۔ ۔۔۔ میں جینا تو چاہتا ہوں ۔۔۔ میں تم بن جی نہیں سکتا۔۔۔! ۔۔۔سنو! تم لوٹ آؤ نا۔۔۔"