"Do shabd "Kya" aur "Kyun" zindagi bharr keliye mujhse judd gaye hai..... Yeh koi sikwa nahi buss apna dil-e-haal bayan kar rha hai..... "Kya" iss rishtey ka anjaam sach mein yahi hai?? Aur agar essa hai toh "Kyun" iss baat par yakeen nahi hai!! "Kya" humne sacche dil se mohabbat nahi ki?? Aur agar nahi ki toh "Kyun" ab bhi humare dil mein mohabbat hai!!! "Kya" pehle humare beech jhagde nahi hote the?? Aur agar hote the toh "Kyun" apne rishte mein itni durr aakar yeh jhagda hum sulja nahi paye!! "Kya" maine iss rishtey ko iss anjaam tak pahunchaya hai?? Aur agar "Han" toh "Kyun" iss anjaam se main khush nahi!! "Kya" mera pyaar kamm tha tumhare liye?? Agar "Nahi" toh "Kyun" uss pyaar ke khatir humesa ki tarah iss baar bhi muh band, sarr ko niche jhuka iss rishtey ko bachaya nahi!! "Kya" tum parai ho?? Agar "Han" toh "Kyun" humesa lagta hai kisi apne ka haath chuth gaya!! "Kya" humare iss rishtey ko kisiki nazar lagyi thi?? Agar "Nahi" toh "Kyun" yeh do shabd mere dil-o-dimaag ko pagal bana rahe hai!! Esse bahot se "kya" aur "kyun" zindagi bharr keliye mujhse judd gaye hai!!! ©Gourav Agarwal"