अलोर्यातील होळी
काय सांगू गम्मत तेव्हा
आमच्या लहानग्यांच्या होळीची
शेणी,शिवरी,लाकूड अन् जागा
आठवड्याआधीच शोधायची
वर्गणीसाठी वही घालून
मंडळी झाडाखाली बसायची
कधी काकांकडून कधी काकूंकडून
वर्गणी दोनदा मागायची
फुगे,नारळ,चिरमुरे,पताका
लिस्ट मोठी असायची
कधी सुटते शाळा एकदा
घाई होळीभोवती भेटायची
वर्गणी गोळा करत करत
दिवस उजडायचा होळीचा
ढोल..ताशा..वाजवत आम्ही
आई तयार नेवैद्य घेऊन पोळीचा
पुरणपोळीचा नैवेद्य दाखवून
बोंबा होळीभोवती मारायचो
चुकलं माकलं गार्हाने घालून
माफीचा नारळही फोडायचो
✍️निशा खरात/शिंदे(काव्यनिश)
©nisha Kharatshinde
Continue with Social Accounts
Facebook Googleor already have account Login Here