Dil men uthte hue jazbat se dar jate hain
Zahn men palte khayalat se dar jate hain
Hum to tufanon se ladne ka hunar rakhte the
Aaj kya bat hai har bat se dar jate hain
Ghair jo zakhm de to zakhm bhi sah lete hain
Hum magar apnon ki saughat se dar jate hain
Dard sahne ki humen ho gayi aadat ab hum
Chain o rahat se bhari rat se dar jate hain
Zjndagi azm o himmat se humen jeeni thi
Hum magar roz ki aafat se dar jate hain
Rab ki ik zat se darna hai zaroori lekin
Chhod ke us ko har ik zat se dar jate hain
Ek rab ka na raha dil men taqaddus Shakir
Is liye qabr o mazarat se dar jate hain
©Karim Shakir
#karim_shakir
#Drops