ਪੰਜਾਬ
ਅੱਖਾਂ ਖੁਲੀਆਂ ਚ ਆਇਆ ਮੈਨੂੰ ਖ਼ਾਬ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*******
ਵੱਡੇ ਛੋਟਿਆਂ ਦਾ ਦਿਲੋਂ ਹੁੰਦਾ ਸਤਿਕਾਰ ਸੀ
ਭੋਲੇ ਭਾਲੇ ਮੁੱਖੜੇ ਤੇ ਦਿਲਾਂ ਚ ਪਿਆਰ ਸੀ
ਸੀ ਸੱਚੇ ਮੁੱਖੜੇ ਨਾ ਚੇਹਰੇ ਤੇ ਨਕਾਬ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*****
ਸੂਟਾਂ ਨਾਲ ਚੁੰਨੀਆਂ ਤੇ ਸਾਦਗੀ ਸ਼ਿੰਗਾਰ ਸੀ
ਪੈਰਾਂ ਵਿੱਚ ਝਾਂਜਰਾਂ ਤੇ ਜੁੱਤੀ ਤਿੱਲੇਦਾਰ ਸੀ
ਸੀ ਤਿੱਖੇ ਨੈਣ ਮੁੱਖ ਲੱਗਦਾ ਗੁਲਾਬ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*****
ਮੇਲਿਆਂ ਚ ਗੱਬਰੂ ਵਿਖਾਉਂਦੇ ਹੁੰਦੇ ਰੰਗ ਸੀ
ਜਿਗਰੇ ਪਹਾੜਾਂ ਵਾਂਗੂੰ ਹੌਂਸਲੇ ਬੁਲੰਦ ਸੀ
ਏ ਜਿੰਦ ਨਸ਼ਿਆਂ ਚ ਕਰੋ ਨਾ ਖ਼ਰਾਬ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*****
ਦਾਦੇ ਬਾਬੇ ਪਿਆਰੀਆਂ ਸੁਣਾਉਂਦੇ ਹੁੰਦੇ ਬਾਤਾਂ ਸੀ
ਫੋਨਾਂ ਜਿਹੀਆਂ ਹੁੰਦੀਆਂ ਨਾ ਉਦੋਂ ਏਹ ਸੁਗਾਤਾਂ ਸੀ
ਗੱਲਾਂ ਖਰੀਆਂ ਦੇ ਮਿਲਦੇ ਆ ਲਾਭ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*****
ਯਮਲੇ ਤੇ ਮਾਨ ਵਾਂਗੂੰ ਤੁਸੀਂ ਸੱਚ ਗਾ ਲਵੋ
ਪੰਜਾਬੀ ਵਿਰਸੇ ਨੂੰ ਮੇਰੇ ਹਾਣੀਉ ਬਚਾ ਲਵੋ
ਬਲਜੀਤ ਮਾਹਲਾ ਸੱਚ ਲਿਖੇ ਜਨਾਬ ਮੇਰੇ ਦੋਸਤੋ
ਜੀ ਮੈਂ ਪਹਿਲਾਂ ਜਿਹਾ ਵੇਖਿਆ ਪੰਜਾਬ ਮੇਰੇ ਦੋਸਤੋ।
*****
ਲੇਖਕ: ਬਲਜੀਤ ਸਿੰਘ ਮਾਹਲਾ✍🏻
ਮੋਬ: 7888332802 📱
©BALJEET SINGH MAHLA
Punjab ਰੂਪ ਕਿਰਨ ਸਿੱਧੂ @Gurtej Singh @Akashdeep✍️ Sabi @Aman Pratap Singh