"ٿي محبت جڏھن توسان او جانان دل جي دنيا ۾ عجب ڪا ڦير ٿي مان محبت جون حدون اڪاري ويس توکي دل جو خدا مان بڻائي ويس تنھنجي پوڄا ڪيم وڏي چاھ سان مگر او پرين_____!!! منھنجي پوجا ۾ ڪائي ڪمي ٿي پرين تنھنجو پيار نه مونکي ميسر مليو زندگاني جون خوشيون اجايون ويون تنھنجي ٻانھن جي پناھ ۾ نه ڪا رات ٿي نه ڪو سينگار منھنجو سجايو ويو ھي اکين جا اداس ليئا رھيا ۽ دل جا اجھاميل ڏيئا رھيا فقط انتظار ئي قسمت بڻيو اھو ڀي ڪڏھن نه رنگ لايو نه چين آيو من کي ھڪڙي پل ڀي پرين نه دل جي اگن کي اجھامي سگھياسين وفائون ڪري بيوفا ٿي وياسين اسان پرين توکي نه ماڻي سگھياسين اسان پرين توکي نه ماڻي سگھياسين سنڌو آرواڻي"