"આજ મળ્યા ને ત્રણ વરસ થયાં હવે, ચોથું સાલ મુબારક ! મારી મંઝિલે હું પહોંચી ગયો છતાંય, એ રાહ મુબારક ! બધા માં ભળી ને પોતાને પામ્યો હોઉં, એટલા તાસ મુબારક ! જેટલાં બાકી વધ્યા હોય એટલા, મને વ્હાલ મુબારક ! અડોઅડ રહી પણ સ્પર્શી ના શક્યા, એ બધા રાઝ મુબારક ! ભીંજાયા પછી પણ કોરા રહ્યા હોય, તો ભાગ મુબારક ! દા'ડે આવી હોય ને હાંજેય આવી હોય, તો એ યાદ મુબારક ! આંસુ વહી ને તકિયા'ય પલળ્યા હોય, બધી રાત મુબારક ! દિવસો તો સારા જ જાય છે રોજ, મન ને રોજમોજ મુબારક ! કામ સુખ સહુ માણી લીધા બસ, હવેથી મોક્ષ મુબારક ! ધ્રુવ ! કવિતા તો લખાતી રેશે, તને તારો જ સાર મુબારક ! ધ્યેય ભુલાઈ નય કદી, બસ એટલી જ વાત મુબારક ! ©Dhruv Solanki"