ए आकाश
ए आकाश नरोउ यसरी
फेरि म पनि रुन्छु बेसरी ।
तिम्रा अव्यक्त पीडाहरू
ह्रदयमा लुकाएर राख ..
तिम्रा अश्रुका धारामा
मेरी पृथ्वी डुब्दै छिन्
तिम्रा आँशुले सुनामी
ल्याएको छ .......
तिमी बुझ्दैनौ किन ?
ए आकाश नरोउ यसरी
फेरि म पनि रुन्छु बेसरी ।
सुर्यको अनुहार हेर्न पर्खेका
हजारौं जीवलाई के उत्तर दिन्छौं
रोएका छन् यहाँ हर आँखा
ई आँशुलाई कसरी रोक्छौ
न घर न कार्यलय
न मन्दिर न मस्जिद
न बाटो न घाटो
न जीन्दगी न साँस
भएको छ यो सन्सार
र यसको उत्तरदायी तिमी हौ
ए आकाश नरोउ यसरी
फेरि म पनि रुन्छु बेसरी।
म मान्दै मान्दिन यी आँशु
तिम्रा खुसीका भनेर ,
सुर्यलाई जीतेको उल्लास भनेर,
कतै अन्न रोएकी छिन् भने,
कतै खाली भूँडी रूदै छन्
कतै किसान रोएका छन्
कतै खेती रूदै छन्
भो भयो अब....
ए आकाश नरोउ यसरी
फेरि म पनि रुन्छु बेसरी।
©swary dhungel
#fullmoon