"Bade uljhan mein hoon aajkal.. Dil mein sawaal hain jo poochti hoon baar baar khudse aajkal... Is dil ko kyun nahi pata ki kya rishta hai iska tumse? Agar ishq hai toh kyun hai tumse? Tum mein kya kya hai jo mujhe lubhaata hai, Kyun tum itne haseen lagte ho? Aankhon mein neend nahi, Kyun raaton ko jagti rehti hoon? Kyun har dafaa,har dua mein mere tum shaamil ho? Koi bhi rishta paane ki talab na liye, Phir bhi har bar khuda se tumhe mangna kyun accha lagta hai? Sare dilkash chehron ki bheed mein Kyun tum pe he aake ye nazar rukti hai? Jab bhari mehfilo mein ishq ka zikr hota hai To tumhara he naam kyun bar bar zubaan pe aata hai? Aur jab jab tum puchte ho ki kyun mohabbat hai mujhe tumse? Kya jawaab doon mai is sawaal ka Yeh soch soch kar kyun dil ulajh sa jaata hai? Mere liye toh tum he mera sawaal ho or tum he jawaab. Mere kahaani ka toh tum he ibtida ho or tum he aakhir... Tumse pyaar karna sahi hai ya nahi, nahi maloom, Par is ehsaas mein jeena ab accha lagta hai... Aisi koi lafz nahi jo mera ishq piro sake, Bas isiliye ab khamosh rehna accha lagta hai.... ©Gargi Banerjee"