Nahi'n Chahiye Mujhe Wo Ishq Jo Majboor Karde,, Chahiye Wo Ishq Jo Aashiqui mein Mashhoor Karde

Atif Arshad *Meer*

Ujaalo'n Mein Na Pehchan Sake Wo Meri Shakal Jo Kehte The Andhero'n Mein Na Chodenge Mujhe,, Barbaad Kar Gaye Mujhe Wohi Log Jo Kehte The Mujhse Ki Kisi Bhi Haal Mein Tanha Na Chodenge Mujhe

Atif Arshad *Meer*

Tere Achanak Jaane Ka Gham Nahi'n, Magar Tera Mere Paas Aane Ka Malal Hai Mujhko,, Tujhse Door Hone Ki Takleef Nahi'n Magar Tere Saath Guzaare Waqt Ka Malal Hai Mujhko,, Tujhe Na Paane Se Koi Masla Nahi'n Magar Tere Ehsaas Mein Kho Jaane Ka Malal Hai Mujhko,, Tujhe Apna Maan Lena Gunaah Tha Magar Tujhse Ummeedein Lagane Ka Malal Hai Mujhko,, Teri Bemurawwati Ka Sawal Nahi'n Hai Magar Tujhse Unsiyat Karne Ka Malal Hai Mujhko,, Tere Kiye Har Sitam Se Khush Hoon Mein Magar Tujhse Wafa Ke Khyaal Ka Malal Hai Mujhko,, Tera Mujhe Yoo'n Ajnabi Kar Dena Ganwaara Hai Magar Tere Har Ehsaas Pe Haazir Rehne Ka Malal Hai Mujhko,, *Meer* Tere Saath Na Nibhaane Ka Shukriya Magar Tere Hone Ko Haqeeqat Maan Lene Ka Malal Hai Mujhko.

Atif Arshad *Meer*

Ab To Tu Thehar Bhi Jaa Aye Shabb Yahi'n, Ki Usne Waada Kiya Hai Khwaab Mein Aane Ka,, Ye Aankhein To Kabse Muntazir Hain Unke Deedar Ki, Kyoo'n Ki Usne Waada Kiya Hai Khwaab Mein Aane Ka.

Atif Arshad *Meer*