Beautiful Moon Night तुला वाटले की अंगावर आली आहे
सरळ चालते ती, तुझी नजर तिरकी आहे
तो खुश आहे, जो लाटांवर स्वारी करतो
तो घाबरतो, ज्याची नौका फुटकी आहे
अशा तऱ्हेने दुःखांना वागवले मी की
आता दुःखांनीच घेतली धास्ती आहे
दबकत दबकत हळूच घुसतो येथे आम्ही
तुझे काय बाबा, तुझी इथे चलती आहे..
प्रत्येकाला सावरायला पाहतोस तू
तुला वाटते की सगळ्यांना चढली आहे
तुझ्या जवळ येतोय जरी टप्प्या टप्प्याने
भेट आपली होणारच जी ठरली आहे
तो सध्या डोळे वटारतो आहे नुसता
काळाचे धमकावणे अजुन बाकी आहे
त्याच्याही पायावर माथा टेकवा कुणी
त्याने तर अनवाणी वारी केली आहे
एकनाथ
©Eknath Dhanke
Continue with Social Accounts
Facebook Googleor already have account Login Here