. " બાળપણ "
જોત - જોતામાં જોને ભેરુ જન્નત - વેળા વહી ગઈ,
બાળપણાં ની મોજ - મસ્તી ,યાદ બની ને રહી ગઈ....
કોણ અમીર,કોણ ગરીબ
કોઈના દિલ માં ના ભેદ જણાય,
સાથે મળી સૌ ભેરુ અમે
મહેફિલ - એ - રમત રમાય..
ફેશન માં ફાટી ફોગટ માં આ દુનિયા ફિક્કી થઈ ગઈ,
જોત - જોતામાં જોને ભેરુ જન્નત - વેળા વહી ગઈ.
એક રૂપિયો લઈને હાટે જાતા
સૌ ભેરુ સંગાથ માં ,
ભાગ પાડીને ભેળા ખાતા
એ સમય નથી આજે હાથ માં ...
ડિઝીટલ બનવાની આડમાં એ અવસ્થા ખલ્લાસ થઈ ગઈ,
જોત - જોતામાં જોને ભેરુ જન્નત - વેળા વહી ગઈ.
કોઈ શબ્દ-એ-દાવ રમે ને
રમતા કોઈ લંગડી,
ચિસ્કારીઓથી ચેડાં કરતા
રમતા જ્યારે કબ્બડ્ડી...
આ બધીય રમતો આજે મોબાઇલ - ફોન માં કેદ થઈ ગઈ,
જોત - જોતામાં જોને ભેરુ જન્નત - વેળા વહી ગઈ.
સવાર હોય કે સાંજ,પછી
હોય ભલે ને બપોર
રાહ જોઈને બેસતા સૌની
જાણે ચાંદ માટે ચકોર...
આ જવાબદારીઓ પણ જોને થોડી વાતો મધુરી કહી ગઈ,
સાથે જ રહીશું, સાથે જ રમશું એ આશ અધૂરી રહી ગઈ....
કહે કવિ "રાધેશ્વર" આજે
આંખે ભરીને આંસુ,
આપી દેને એકવાર 'પ્રભુ'
બાળપણ મને પાસું
કામયાબી ની કાંટાળી કેડી માસૂમિયત ને ખાઈ ગઈ,
બાળપણાની મોજ - મસ્તી ,યાદ બની ને રહી ગઈ,
જોત - જોતામાં જોને ભેરુ જન્નત વેળા વહી ગઈ...
- લિ. : મુકેશ બી.ઠાકોર (રાધે)
તારીખ. : ૦૭/૧૧/૨૦૨૧
વાર : રવિવાર
સમય : ૧૦:૫૦ pm
©Mukesh Thakor
Continue with Social Accounts
Facebook Googleor already have account Login Here