मनासारखे.....
मनासारखे तू अता वाग थोडे
नको घाबरू तू पुन्हा माग थोडे
धुळीला मिळाले सुखांचे मनोरे
नशीबात आले पुन्हा डाग थोडे
मनाला कुणाचा मिळेना सहारा
वसंती फुलावे इथे बाग थोडे
तिला भेटलेला खरा यार होता
किती संधिसाधू महाभाग थोडे
तुझ्या आठवांनी मला वेड लागे
सुचावे तुलाही विरहराग थोडे
अजूनी उभी आस लावून प्रीती
दिली तूच वचने, सख्या जाग थोडे
दिली आहुती आज माझीच मी रे
करावेस तू ही कधी त्याग थोडे
प्रितफुल (प्रित)
©प्रितफुल (प्रित)
#मनासारखे अत्रंगी रे...!!! @Kavita Pudale