- बड़ा काम है नवा काम है- कविता फसिगै कलावंत के चक्कर मा उजरे बिरवा जस बसंत के चक्कर मा हनूमान तब पता लगाएन सीता का जब परिगे उइ जामवंत के चक्कर मा कविता फसिगै कलावंत के चक्कर मा। शकुंतला की गिरी अंगूठी पानी मा दर-दर भटकी उइ दुष्यंत के चक्कर मा बिन मेहनति धन उनका दुगुना होइ जाई जुआं‌‌ मा हारे उइ तुरंत के चक्कर मा कविता फसिगै कलावंत के चक्कर मा। ऊंचि आसरम मुला आचरण नीचि मिले करम फूटिगे साधु संत के चक्कर मा कविता फसिगै कलावंत के चक्कर मा कान पकरि उठि बैठि पुलिस जब हड़काइसि फंसे रोमियो अब महंत के चक्कर मा कविता फसिगै कलावंत के चक्कर मा उजरे विरवा जस बसंत के चक्कर मा।। ©Vineet Kumar

Vineet Kumar

आजाद होइगा देश शुख उठाव मजे ते जहाँ ‌‌चाहौ नापदान तहं बहाव मजे ते गाड़ी सवार साइकिल पावंय न जब निकरि तब दूनौ जने छत पर मुसकाव मजे ते। सरकारी अस्पताल चले जाव मजे ते परचा रुपैया एक मा बनवाव मजे ते डॉक्टर समय से मिलिहैं ना देखिहैं मरीज का बदले मा फीस दइकय तुम देखाव मजे ते। हत्या पे हत्या हुइ रही तुम स्वाव मजे ते मामूली वारदात भै बताव मजे ते दुनियां तौ सुधरि गै है मुला तुम नहीं सुधरेव लत्ता का सांपु हरदम बनाव मजे ते। आफिस मा बैठि गप्पै लड़ाव मजे ते दुखिया गरीब द्याखव टरकाव मजे ते ठण्डी मा लाग हीटर गर्मी बढा रहा गरमी मा लाग कूलर जुड़ाव ‌मजे ते अब जैसे बनै रुपिया कमाव मज़े ते। मउका लगाव लड़ि जाव चुनाव मजे ते कगजै मा काम सारे विकास के करौ जनता का खाली उल्लू बनाव मजे ते अपहरण लूट हत्या करवाव मजे ते यहि लोकतंत्र का सिर झुकाव मजे ते जेहि देश बड़े कितनेउ गरदन कटा दिहिनि वहि देश केरि नाक तुम कटाव मजे ते।। ©Vineet Kumar

Vineet Kumar

अघवाये हमका बहुत बापु कहि रहा रोय, धरि किताब मूड़े तरे जात लरिकवा सोय। गुरुजी जात लरिकवा सोय।। प्राइमरी मा जाय हम नाव दीन लिखवाय, टिचरन का नाकन चना दिहिनि सिवहुं चबवाय। गुरूजी दिहिनि सिवहुं चबवाय।। कपड़ा लोहा लाट हम हरदम देइ मगाय, दुइ महिना बीतति नहीं फारिक देत बहाय। गुरूजी फारिक देत बहाय।। लरिकन ते झगड़ा करइ खुदइ बढ़ावइ रारि, बार बार समझाय कै गे सब टीचर हारि। गुरूजी गे सब टीचर हारि।। टीसी लइकय आयगा भा चौगिरदा नाम, कैसे दसवां पास भा यहिका जानै राम। गुरूजी यहिका जानै राम।। ©Vineet Kumar

Vineet Kumar

अबकी बोर्ड परीक्षा मा कमाल होइगा ललुआ पास होइगा। दसवां दर्जा तीनि साल मा ललुआ लांघि न पावा नहीं किताबै कांपी पलटिसि कितनौ गा समझावा। तबहू जानै कैसे फर्स्ट पास यहि साल होइगा ललुआ पास होइगा अबकी बोर्ड परीक्षा मा कमाल होइगा ललुआ पास होइगा।। फर्स्ट पास भा फर्स्ट केरि स्पेलिंग बता ना पावै , सुनि मनई बातै अंगुरी दांते तरे दबावैं। ललुआ गांव घरे के समुहे खुदै सवाल होइगा ललुआ पास होइगा अबकी बोर्ड परीक्षा मा कमाल होइगा ललुआ पास होइगा।। सत्य नारायण केरि कथा घरमा तुरतइ करवाइसि, गांव घरे मा लड्डू पेड़ा दुइ दिन तक बंटवाइसि। अइसा लाग कि जैसे ललुआ दीन दयाल होइगा ललुआ पास होइगा अबकी बोर्ड परीक्षा मा कमाल होइगा ललुआ पास होइगा।। हमरौ लरिका घी कि बाती मन्दिर बीच जलावै, वहे भगवान रीजल्ट अगलहेउ साल अइसहै आवै। हमरे लरिका का तुमरे ऊपर विश्वास होइगा ललुआ पास होइगा अबकी बोर्ड परीक्षा मा कमाल होइगा ललुआ पास होइगा।। कौनि व्यवस्था चालू भै हम अब तक समझ न पावा, बिना पढ़े सब पास होइ रहे कौनु जमाना आवा। अइसे इम्तिहान ते केहिका उन्नतभाल होइगा ललुआ पास होइगा अबकी बोर्ड परीक्षा मा कमाल होइगा ललुआ पास होइगा।। ©Vineet Kumar

Vineet Kumar

😎हम यूपी वाले भैया हैं💪 हम श्री राम का पुण्य धाम संगम तट की शोभा ललाम हम घाट बनारस वाले हैं यहां मंदिर और शिवाले हैं रज है मथुरा वृंदावन की जहां खेले कृष्ण कन्हैया हैं हम यूपी वाले भैया हैं हम यूपी वाले भैया हैं।। ये आजादी की है दौलत मंगल पाण्डे बेगम हजरत हैं युगों युगों के सेनानी आल्हा ऊदल झांसी रानी अशफाकउल्ला बिस्मिल है आजाद शरीखों का दिल है दुर्गा भाभी के जयकारे झलकारी बाई के नारे इतिहास यही बतलाता है हम सबसे बड़े लड़इया हैं हम यूपी वाले भैया हैं हम यूपी वाले भैया हैं।। चौरी चौरा का लिए जोश मेरठ वाले हम सरफरोश हम बलिया वाले बागी हैं हम कानपुरी बैरागी हैं हम लखनऊ के बांके अधीर हम हैं बिठूर के सूरवीर चिंगारी मैनपुरी की हम काशी आजमगढ़ का दमखम आजादी वाली नैया के हम सबसे बड़े खेवैया हैं हम यूपी वाले भैया हैं हम यूपी वाले भैया हैं।। हम मानवता के लश्कर हैं हम सारनाथ के पत्थर हैं विंध्याचल देवी का आंचल सूफी संतों का हैं सम्बल संगम तट पर हम शुद्ध हुए हम कुशीनगर में बुध हुए गंगा यमुना का पानी हैं हम ही कबीर की वानी हैं जो प्रभु को भी भव पार करे हम उस केवट की नैया हैं हम यूपी वाले भैया हैं हम यूपी वाले भैया हैं।। हम सुबहे बनारस की आभा और शामे अवध वाली शोभा सुर लहरी शिवजी को भाई हम बिस्मिल्लाह की शहनाई बिरहा आल्हा हम फाग हुए हम संगीतों के राग हुए हम कला अदब का धन भी हैं कव्वाली और भजन भी हैं गिरिजा देवी का गायन हम बिरजू की ताताथइया हैं हम यूपी वाले भैया हैं हम यूपी वाले भैया हैं।। हम लाल बहादुर से जीवट हम लोहिया के जैसे कर्मठ हम युवा तुर्क चंद्रशेखर हैं हम चरण सिंह हैं खेतिहर हैं जगमोहन सिन्हा भी हम हैं हम राज नारायण का दम है आपातकाल संघारक हैं हम शांति अम्न के रक्षक हैं हम भरत लक्ष्मण से भ्राता हम बलदाऊ से भैया हैं हम यूपी वाले भैया हैं हम यूपी वाले भैया हैं।। तुलसी और सूर के अक्षर हम बुनकर कबीर की चादर हम अलीगढ़ के हम ही ताले हैं और ताज आगरा वाले हैं फुलवारी, खेती-बाड़ी है मशहूर बनारसी साड़ी है मेरठ की कैंची रखते हैं मथुरा के पेड़े चखते हैं जो आसमान में उड़े वही गुब्बारे हैं कनकइया हैं हम यूपी वाले भैया हैं हम यूपी वाले भैया हैं।। 😎🥸💪✊ ©Vineet Kumar

Vineet Kumar